Кличко: На секое евро од Русија има украинска крв

Градоначалникот на главниот град на Украина, Киев, Виталиј Кличко, побара од европските политичари да ги прекинат сите комерцијални врски со Москва, велејќи дека плаќањата кон Русија се покриени со „крв“ и помагаат во финансирањето на нејзината армија.

„Секое евро, секој денар што го добивате од Русија или го испраќате во Русија има крв; тоа се крвави пари и крвта на овие пари е украинска крв. Крвта на украинскиот народ“, рече тој.

Кличко рече и дека во Буча се случил „геноцид врз Украинците“.

Тој вели дека видел мртви цивили, меѓу кои и една старица, и автомобил со бело знаме и зборовите „деца“, а внатре имало крв.