пред 3 часа Кремљ соопшти дека мировните преговори за Украина, кои неделава ќе се одржат во Абу Даби, ќе се водат меѓу претставници на Русија, Украина и САД, без учество на европски претставници.
Портпаролот на Кремљ, Дмитриј Песков, со ова ја демантираше изјавата на францускиот министер за надворешни работи Жан-Ноел Баро, кој вчера најави дека француски претставници ќе учествуваат на преговорите на 10 и 11 ноември.
„Она што ќе се случува во Абу Даби во наредните денови се трилатерални преговори меѓу Русија и Украина, со посредство на Соединетите Американски Држави“, изјави Песков.
Тој додаде дека Вашингтон и Киев имаат сопствени канали за комуникација со европските партнери.
На состанокот се очекува да се разговара за можностите за завршување на војната во Украина, безбедносните гаранции по војната и намалувањето на тензиите.
Украинскиот претседател Володимир Зеленски денеска соопшти дека пред преговорите разговарал со претседателката на Европската комисија, Урсула фон дер Лајен, и дека ги усогласиле ставовите.
„Урсула и јас ги усогласивме ставовите за состанокот во Абу Даби. Правиме сè за трилатералниот формат да донесе резултати“, напиша Зеленски на социјалната мрежа Икс.
Текстот Кремљ: За завршување на војната во Украина ќе преговараме без Европејците е превземен од МАКФАКС.
Би можело да ве интересира
(Видео) Фрлени две рачни бомби врз пошта во Косово, едната експлодирала
Зеленски: Режимот на Асад падна затоа што Русија ги испрати сите свои војници во Украина
Путин ги откажа парадите на 9 мај: „Стравот од украински напад е посилен од традицијата“
Семејството на момчето убиец од „Рибникар“ денеска очи во очи со родителите на убиените деца
Кличко: Путин би можел да употреби тактичко нуклеарно оружје на Киев
„Модерна“ ги спојува во една вакцините против ковид и грип
