Кремљ: Путин нема да му го честита на Бајден Денот на независноста

Рускиот претседател Владимир Путин денеска нема да му честита на американскиот претседател Џо Бајден за независноста на САД поради „непријателските“ потези на САД насочени кон Москва, соопшти денеска Кремљ, пренесуваат агенциите.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Честитките за денешниот ден не би биле соодветни. Причината е непријателската политика на Соединетите Американски Држави“, изјави за новинарите денеска гласноговорникот на Владимир Путин, Дмитриј Песков.

Џо Бајден, уште од почетокот на руската инвазија на Украина остро ги осуди постапките на Русија и нејзиниот претседател Путин, кого го нарече воен злосторник и рече дека „не може да остане во својата земја“, анализираат медиумите.