Москва ја разгледува можноста за размена на украински затвореници за Медведчук, пријателот на Путин

Русија ќе ја проучува можноста за размена на заробените војници на украинскиот баталјон „Азов“ за Виктор Медведчук, пријател на Владимир Путин, изјави рускиот пратеник и преговарач Леонид Слуцки.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Ќе го проучиме тоа прашање“, изјави Слуцки, член на руската делегација на последните преговори со Киев, одговарајќи на прашањето за таква размена, пренесува агенцијата РИА Новости.

Во изјавата што ја даде во сепаратистичкиот град Доњецк во југоисточна Украина, тој додаде дека за таквата можност во Москва ќе разговараат „оние кои се овластени за тоа“, пренесуваат медиумите.

Виктор Медведчук (67) е политичар и богат украински бизнисмен кој важи за личност блиска до рускиот претседател. Во средината на април, Медведчук беше заробен во Украина.

Медведчук е во домашен притвор од мај 2021 година, откако беше обвинет за велепредавство и обид за ограбување на природните ресурси на Крим, украинскиот полуостров што Русија го анектираше во 2014 година, пишуваат агенциите.

Во петокот руската армија објави дека се предале и последните украински бранители на стратешки важниот Мариупол, кои со недели давале отпор од огромната фабрика за челик „Азовстал“.

Меѓу нив биле членови на баталјонот „Азов“, единица која Кремљ ја смета за неонацистичка, а Киев сака да ја врати во замена за руски затвореници.