Над 90 деца добиле труење во воз во Русија, уапсен персоналот на ресторанот

Поради труење на речиси сто деца кои патуваа со воз до Црното Море од Мурманск на северот на Русија, целиот персонал во ресторанот беше уапсен.

На крајот на минатата недела, децата отидоа на море со своите наставници, а поради труењето не стигнаа до одморалиштето, туку завршија во болницата во Краснодар.
Од вкупно 250 деца, околу стотина имале проблеми со стомакот а 91 дете завршиле во болница со дијагноза на труење. За среќа, никој од затруените не е во сериозна состојба, а лекарите се надеваат дека наскоро сите ќе бидат излечени, пишуваат руските агенции.

Покрај децата, затруени се и неколку нивни наставници кои ги придружувале на патот. Покрената е кривична постапка против персоналот во ресторанот за „ услуги што не одговараат на безбедноста и животот и здравјето на потрошувачите“.

Во Русија веќе неколку години досега не е забележано такво масовно труење. Претходно, како што пренесуваат агенциите не беше невообичаено труењата да се појават во детските одморалишта поради непочитување на санитарните норми.