Најмалку 19 повредени во судир меѓу воз и автобус во Франција

Најмалку 19 лица се повредени во судир помеѓу товарен воз и автобус во северна Франција. Несреќата се случила во близина на Кокел, во близина на Евротунелот, што го потврди канцеларијата на локалниот префект, пренесува Ројтерс.

Според соопштението од префектурата, никој од повредените не е во животозагрозувачка состојба. Потврдено е дека меѓу повредените е и возачот на автобусот. Властите сè уште немаат објавено детали за идентитетот на другите повредени, ниту за точната природа на нивните повреди.

𝗔𝗟𝗘𝗥𝗧𝗘 𝗜𝗡𝗙𝗢 — Au moins 19 blessés, dont 5 en urgence absolue, après une collision entre un train de fret et un bus à l’entrée du tunnel sous la Manche, dans le Pas-de-Calais.

D’importants moyens de secours sont mobilisés sur place ainsi qu’un hélicoptère médicalisé.

(Source : BFMTV)

— Bastion (@BastionMediaFR) October 15, 2026

Интервенција на итните служби
Судирот се случил во близина на влезот во товарниот тунел што ги поврзува Франција и Велика Британија. На местото на настанот веднаш биле испратени возила на итните служби, полиција и хеликоптер.

Околностите што довеле до судирот сè уште се истражуваат. Во моментов нема официјални информации за причината за несреќата.

Текстот Најмалку 19 повредени во судир меѓу воз и автобус во Франција е превземен од МАКФАКС.