пред 3 години Инвазијата на Руската Федерација врз Украина трае веќе 18 дена. Сите овие денови животот на Украинците радикално се промени.
Додека жените и децата масовно ја напуштаат својата татковина бегајќи од војната, на мажите на возраст меѓу 18 и 60 години им е наредено да останат да се борат.
Има и такви кои не сакаат да ги напуштат своите домови, но и такви кои не можат, како трудници и мајки кои штотуку ги родиле своите бебиња.
УНИЦЕФ внимателно ја следи ситуацијата во Украина и често објавува фотографии. Овој пат ги објавија младите мајки во импровизирано породилиште во Киев.
Имено, по гранатирањето на болницата, пациентите биле принудени да се преселат во подруми за да бидат побезбедни. Дури и мајки со новороденчиња.