Официјална Москва за средбата меѓу Путин и Зеленски: Прво, преговарачите да го направат својот дел

Никој не ја исклучува средбата меѓу Владимир Путин и Владимир Зеленски, таа е концептуално возможна, но прво преговарачите мора да го направат својот дел, изјави портпаролот на Кремљ, Дмитриј Песков.

„Никој не ја исклучува можноста за средба меѓу Путин и Зеленски. Да, концептуално тоа е навистина возможно. Но, прво, и делегациите и министрите мора да го направат својот дел, претседателите да не се сретнат заради процесот и разговорите, туку заради резултатите“, рече Песков.

Тој додаде дека позициите на руската страна се познати, јасно формулирани и упатени до украинските преговарачи.

„Очекуваме реципрочни формулации“, нагласи Песков.

„Очигледно се потребни и бараат меѓународни преговори со учество на рускиот претседател Владимир Путин и лидерите на другите земји за ситуацијата во Украина“, рече Песков.

„Путин отсекогаш бил поддржувач на дипломатијата, тој секогаш ги поддржувал преговарачките процеси“, додаде тој.

Претходно денеска портпаролот на турскиот претседател изјави дека во блиска иднина е можна средба меѓу рускиот и украинскиот лидер.