Парламентот на Шри Ланка затворен два дена поради коронавирус

Парламентот на Шри Ланка е затворен поради дезинфекција, откако беше утврдено дека еден полицаец во комплексот бил позитивен на коронавирус.

Во овој период, Шри Ланка забележа повторно зголемување на бројот на случаи.

Парламентот беше затворен два дена како мерка на претпазливост за просториите да можат да се дезинфицираат, изјави официјалниот претставник Нарендра Фернандо.

Тестирани се и блиски соработници на полицаецот, а резултатите се очекуваат во текот на денот, додека утре ќе бидат тестирани уште 22 вработени во Собранието.

Шри Ланка забележа ново зајакнување на коронавирусот од почетокот на октомври, кога се појави нов кластер на инфекции околу фабрика за облека во близина на главниот град Коломбо.

Денес се потврдени 351 нов случај на инфекција. Повеќето од новозаразените се врзани за кластер околу фабрика за облека, каде што бројот на случаи се искачи на 4.400. Тоа е повеќе од половина од вкупниот број на заразени во земјата, 7.872.

Еден починат од коронавирус е пријавена во неделата, а од инфекцијата досега починале 16 лица.

Во обид да се запре ширењето на инфекцијата, владата воведе полициски час во многу делови на густо населената Западна провинција, каде се наоѓаат фабриката за облека и главниот град Коломбо и каде што е заразен најголемиот број.

Владата исто така ги затвори училиштата, забрани митинзи и воведе ограничувања на јавниот превоз низ целата земја.