Пекинг им нуди на странците кинеска вакцина против коронавирус

Главниот град на Кина, Пекинг, почна да им нуди на странците вакцина против Ковид-19 направена во Кина, соопшти градската канцеларија за надворешни работи.

Странците без осигурување со поддршка од градот ќе платат 93,5 јуани (12 евра) за вакцина во две дози, а оние што се опфатени со осигурувањето ќе бидат вакцинирани бесплатно.

Како што е забележано на социјалните мрежи, градот не прецизираше која вакцина ќе им се дава на странците, но се вели дека се користи убиен „деактивиран“ коронавирус кој не може да зарази луѓе, но може да предизвика имунолошки одговор.

Од четирите кинески вакцини одобрени за јавна употреба, три се во категоријата деактивирани. Две се од одделот на Кинеската национална фармацевтска група (Синофарм) и една од компанијата „Синовак биотек“.

Милиони дози произведени од „Синофарм“ и „Синовак“ се испратени во странство преку извоз или донации.