пред 4 години Две жени и тројца мажи се обвинети за кражба на околу 250 тони лосос во вредност од над четири милиони австралиски долари (околу три милиони американски долари) од фабрика за преработка во Сиднеј, соопшти полицијата од Нов Јужен Велс.
Полицијата започнала истрага во декември минатата година, откако извршен директор на компанија за одгледување и преработка на лосос открил дека дневно исчезнуваат околу 600 килограми лосос од неговата фабрика за преработка во Инглебурн, град југозападно од Сиднеј.
Истрагата резултирала со апсење на две работнички и тројца работници во фабриката. Сите тие веднаш добиле откази.
Полицијата извести дека петмината вработени во фабриката ги користеле своите позиции за лажно да оценуваат врвни производи од лосос како отпаден материјал, што потоа го ваделе од фабриката во свој „аранжман“ и го продавале или разменувале за други производи.
Полицијата објави дека наведените работници, членови на синдикатот, наводно украле над 250 тони лосос во периодот меѓу јуни и декември 2020 година.
Би можело да ве интересира
Пукање на универзитет во Германија – полицијата и спасувачите на лице место
СЗО: Потврден првиот случај на екстремно смртоносен вирус „Марбург“, сличен на ебола
Папата од Ирак со апел за толеранција и братство меѓу народот
Меркел: Олабавување на мерките не е решение
Жената која изврши напад во трговски центар во Лугано, била во врска со џихадист од Сирија
Црногорските медиуми за Амфилохие: Привилегиран e, го лечат со „ремдесивир“
