Почина поранешниот претседател на Албанија, Бујар Нишани

На 56-годишна возраст почина поранешниот претседател на Република Албанија Бујар Нишани, по сериозни здравствени проблеми, соопшти претседателската канцеларија во земјата.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

„Претседателот Нишани ќе остане запаметен како личност со ретки вредности на лидер со интегритет и визија. Неговиот придонес за Албанија и демократијата засекогаш ќе се памети со почит“, напиша актуелниот албански претседател Илир Мета на својот Фејсбук профил.

Нишани повеќе од еден месец бил префрлен од болницата Шефќет Ндроќи во болница во Германија на специјализирано лекување, но во меѓувреме паднал во кома.

Бујар Нишани е роден на 29 септември 1966 година, а претседателската функција ја презеде на 24 јули 2012 година и ја заврши во јули 2017 година.