Путин испрати телеграма со сочувство до Вучиќ по повод смртта на патријархот Иринеј

Рускиот претседател Владимир Путин испрати телеграма со сочувство до српскиот претседател Александар Вучиќ по повод смртта на српскиот патријарх Иринеј.

„Почитуван претседател, примете го моето искрено сочувство за таа огромна загуба, за смртта на Неговата Светост српскиот патријарх Иринеј“, се вели во телеграмата, пренесе „Спутник“.

Путин оцени дека патријархот Иринеј го заслужува авторитетот што го има во својата татковина, како и во странство, исклучиво преку своите дела.

Како што рече, неговите главни напори биле унапредување на највисоките духовни вредности, но и зајакнување на единството на целиот православен свет.

„Ве молам, пренесете ми сочувство и зборови на поддршка на целото свештенство на Српската православна црква, како и на целиот српски братски народ“, додаде Путин.

Српскиот патријарх Иринеј почина на 90-годишна возраст во Воената болница во Белград.