пред 21 час Рускиот претседател Владимир Путин имаше телефонски разговор со турскиот претседател Реџеп Таип Ердоган, соопшти прес-службата на Кремљ. Политичарите, меѓу другото, разговараа за руско-американскиот самит што се одржа во Алјаска на 15 август, соопшти Кремљ.
Во разговорот со Ердоган, Путин го коментираше состанокот со американскиот претседател Доналд Трамп, а во овој контекст, претседателите на Русија и Турција разговараа за прашањето за решавање на украинскиот конфликт. Рускиот шеф на државата му се заблагодари на својот соговорник за посредништвото во преговорите меѓу Москва и Киев во Истанбул, соопшти Кремљ.
Покрај тоа, политичарите разговараа за актуелни прашања од билатералната агенда, на пример, продолжувањето на соработката во областа на трговијата и инвестициите.
„Беше договорено да се продолжат личните контакти“, се вели на официјалната веб-страница на Кремљ.
Турција ги поддржува напорите за воспоставување траен мир во Украина со учество на сите страни, му рекол Ердоган на Путин за време на денешниот телефонски разговор, соопшти турското претседателство.
Ердоган му рекол и на Путин дека внимателно ги следи случувањата поврзани со процесот и дека Турција се залага за праведен мир уште од почетокот на војната, соопшти турското претседателство.
фото: принтскрин
Текстот Путин разговараше со Ердоган е превземен од МАКФАКС.
Би можело да ве интересира
Тинејџер сурфал со својот татко, па бил убиен од голема бела ајкула
„Виза“ и „Мастеркард“ ги блокираа руските финансиски институции
Талибанците ги бројат жртвите – загубивме повеќе луѓе од Американците
Шпанија и Португалија ги обновуваат ограничувањата за британските туристи
Пандемијата го измени списокот на десетте најголеми економии во светот, една земја отпадна
Фон дер Лајен се извини за вакцините: Дејствувавме доцна
