Путин: Русија беше принудена да реагира на ситуацијата што се разви во Украина

Русија беше принудена да реагира на ситуацијата што се разви во Украина по државниот удар во 2014 година, вклучително и уништувањето на населението на Донбас, изјави рускиот претседател Владимир Путин на состанок со претставници на деловните кругови, пренесуваат светските агенции.

Путин истакна дека во Украина „е извршен крвав државен удар и дека уништувањето на Донбас продолжило“.

Тој рече дека Русија не организирала државен удар во Украина, објави Спутник, а пренесе Танјуг.

„Ние не организиравме државен удар во Украина. Тие постојано ни велеа дека треба да има демократија, избори. Тие извршија државен удар и тоа беше, како да требаше да биде, крваво. И тие продолжија да го уништуваат Донбас и така натаму, да убиваат луѓе таму од хеликоптери и авиони, тоа е едноставно апсурдно. Нè принудија да го правиме она што го правиме сега и се обидуваат да не обвинат за тоа“, нагласи Путин, пренесува Танјуг.

Текстот Путин: Русија беше принудена да реагира на ситуацијата што се разви во Украина е превземен од МАКФАКС.