Разорна бура ја погоди Калифорнија со свлечишта и поплави

Бурата што од север стигна до јужните делови на Калифорнија донесе лизгање на земјиштето и големи поплави во областа на градот Лос Анџелес, а метеоролозите предвидуваат обилни дождови и ветрови за следните 24 часа.

„Силните налети и прекините на електричната енергија ќе бидат помалку опасен дел од бурата што ќе ја погоди јужна Калифорнија“, рече д-р Даниел Свејн, климатолог од Универзитетот во Калифорнија, Лос Анџелес, за време на онлајн брифингот во неделата навечер, според Њу Јорк Тајмс.

Во населбата Студио Сити, пожарникарите евакуирале шест лица од два домови поради закана од моќен, разурнувачки воден бран, соопшти пожарникарската служба во Лос Анџелес. Официјалните лица предупредија дека најлошиот дел од невремето, придружен со силен дожд, се очекува во следните 24 часа и посочија дека опасноста не доаѓа првенствено од ветерот што дува на далноводи или дрвја, туку од огромниот влажен фронт на бура во еден од најнаселените региони во САД.

Текстот Разорна бура ја погоди Калифорнија со свлечишта и поплави е превземен од МАКФАКС.