пред 3 години Украина ја обвини руската армија за насилно регрутирање цивили во окупираните делови на источна Украина, пишува германската агенција ДПА.
„ Руската армија, освен што регрутира млади луѓе, насилно ги принудува украинските лекари да служат во провинциите Херсон, Запорожје и Харков“, напишаа на Фејсбук украинските воени претставници.
Медицинските работници во Вовчанск и во провинцијата Харков биле принудени да ги лекуваат ранетите руски војници на бојното поле под смртна закана, соопштија украинските власти.
Украинските тврдења не можеа да бидат независно проверени.
Британското Министерство за одбрана соопшти дека регрутирањето на украински цивили во руската армија ќе ги прекрши правилата на Женевската конвенција за заштита на цивилни лица во војна.