Русија се обидува да регрутира повеќе од 60.000 војници за војната во Украина

Висок претставник на американското Министерство за одбрана денеска изјави дека САД имаат индиции дека Русија сака да регрутира повеќе од 60.000 војници.

Тој предупреди дека само ќе видиме колку Русија ќе успее да ги достигне тие бројки, но и колку овие сили ќе бидат обучени и каде точно ќе бидат испратени.

Официјалниот претставник исто така рече дека САД не забележале дека ново засилување, целосно обучено и вооружено, пристигнува кај руските сили, подготвени да ги заменат потрошените руски баталјони во Украина.

Што се однесува до моменталната способност на руската војска, Русија е под 85 отсто од проценетата расположлива борбена моќ што ја имаше Москва пред инвазијата на Украина во февруари, рече официјалниот претставник.

Тој објасни дека оваа проценка вклучува низа фактори како што се бројот на тенкови, борбени авиони, проектили, но и самите војници.

САД, исто така, веруваат дека руската војска не ги решила своите логистички проблеми, рече тој, додавајќи дека тоа значи дека Русите веројатно нема да можат доволно брзо да ги зајакнат своите сили во источна Украина.