Се огласи Залужни за првпат по разрешувањето

Поранешниот врховен командант на вооружените сили на Украина, генерал Валериј Залужни, за првпат се огласи на Телеграм по неговото разрешување, истакнувајќи дека моментално не извршува никаква функција.

– Чест и одговорност чувствувам пред секој бранител на Украина и покрај тоа што моментално не ја извршувам функцијата – напиша тој.

Украинскиот претседател Володимир Зеленски ден претходно најави оставка на Залужни и на негово место го назначи Александар Сирски, кој претходно командуваше со копнените сили.

Минатата есен, некои локални и западни публикации пишуваа за можен конфликт меѓу шефот на режимот во Киев и врховниот командант на вооружените сили на Украина. Така, Вашингтон пост објави дека Залужни, кој е популарен меѓу своите сограѓани, може да претставува закана за Зеленски доколку реши да започне политичка кариера.

Текстот Се огласи Залужни за првпат по разрешувањето е превземен од МАКФАКС.