пред 6 месеци 
Портпаролот на Кремљ, Дмитриј Песков, денеска изјави дека целиот свет обрнал внимание на киксот на американскиот претседател Џо Бајден на самитот на НАТО и го нарече неприфатлив начинот на кој американскиот претседател зборувал за рускиот претседател, Владимир Путин.
„Апсолутно е неприфатливо еден шеф на држава да зборува со непочитување за друг шеф на држава. Ова е нешто на што секогаш обрнуваме внимание и што е неприфатливо“, рече Песков, пренесува „РИА новости“.
Песков го коментира тоа што вчера Бајден направи грешка кога го претстави украинскиот претседател Володимир Зеленски како „претседателот Путин“ по што веднаш се поправи.
Кремљ и претходно го обвини Бајден за непристојни коментари за Путин.
Во 2021 година Бајден во интервју го нарече Путин убиец, а овој февруари го нарече лудак, пренесува „Ројтерс“.
Текстот Се огласи Кремљ откога Бајден го помеша Зеленски со Путин „Непочитување, тоа е апсолутно неприфатливо“ е превземен од МАКФАКС.