пред 2 години Сојот на коронавирус, омикрон, кој се шири со брзина каква што светот не ја видел од почетокот на пандемијата, останува опасен вирус иако предизвикува поблаги симптоми, изјави генералниот секретар на Светската здравствена организација, Тедрос Адана Гебрејесус.
„ Иако омикронот предизвикува поблаги симптоми од делта (доминантната варијанта досега), тој останува опасен вирус, особено за оние кои не биле вакцинирани“, рече Гебрејесус за новинарите.
Омикрон, кој првпат беше идентификуван во јужниот дел на Африка на крајот на ноември 2021 година, се прошири низ целиот свет и огромен број луѓе се заразени со овој вид.
„ Повеќе пренос на вирусот значи повеќе хоспитализации, повеќе смртни случаи, повеќе луѓе неспособни за работа, вклучително наставници и здравствени работници. Исто така, постои опасност од нов вид, кој може да биде попренослив и смртоносен од омикрон“, предупреди генералниот секретар на СЗО.
Друг претставник на организацијата, Мајкл Рајан, на истата прес-конференција изјави дека коронавирусот не е лесна болест, туку болест која може да се спречи со вакцини.
Би можело да ве интересира
Пресвртница за Украина, Молдавија и за Босна и Херцеговина: Европската комисија препорачува отворање на пристапните преговори
ЕУ им додели кандидатски статус на Украина и Молдавија
Во Норвешка започна воена вежба
(Видео) Руските актерка и режисер кои снимаа филм во вселената се вратија на Земјата
Јужна и Северна Кореја ја обновија комуникацијата
„Ковид-19 веројатно не потекнува од пазарот во Вухан” – тим на СЗО во нови истражувања
