пред 4 години Во Аргентина избувна скандал со вакцинирање на познати луѓе откако министерството за здравство објави список од 70 лица кои незаконски примиле вакцина против коронавирусот.
На списокот се наоѓаат претседателот Алберто Фернандез и членовите на неговиот кабинет, како и министерот за економија Мартин Гузман, аргентинскиот амбасадор во Бразил, поранешниот претседател Едуардо Дуалде, неговата сопруга и нивните деца и официјални лица кои не се меѓу приоритетите за првите 1,8 милион дози вакцина.
Приоритети за добивање на вакцината се здравствените работници и луѓето постари од 70 години во внатрешноста на земјата и постарите од 80 години во Буенос Аирес.
Скандалот избувна кога новинар на радио рече дека поради неговото пријателство со поранешниот министер за здравство Гинес Гонзалес Гарсија, кој морал да си даде оставка, тој бил вакциниран во просториите на министерството, додека болницата во Буенос Аирес добила 3.000 дози вакцина.
Против поранешниот министер за здравство се покренати околу 13 тужби, а новата министерка Карла Визоти негира постоење на вакцина за ВИП-личности во рамките на министерството.
Би можело да ве интересира
Докторка во Австрија ампутирала погрешна нога на пациент
Се влошува глобалниот недостиг од компјутерски чипови – се затвораат фабрики за автомобили
Инвеститорите во Германија стравуваат од нов бран на коронавирус
Хамас предупреди да не се заострува блокадата на Појасот Газа
Србија ги отвора трговските центри на 12 април, а училиштата од 19 април
Јужна Кореја до ноември планира да вакцинира 80 отсто од населението
