пред 3 години Полицијата во Подгорица поднесе кривична пријава против две лица од Косово поради сомнение дека договарале нелегален брак на 12-годишно девојче и момче.
„Полицијата поднесе кривична пријава до Државното обвинителство во Подгорица против К.М.(31) и Б.М.(38), двајцата од Косово и жители на Подгорица, поради сомнение за трговија со луѓе“, се вели во соопштението.
Се сомничи дека со злоупотреба на односот на доверба и со регрутирање, со одобрение и договор со членови на семејство од Подгорица, склучиле незаконски брак помеѓу ќерката на К.М., девојче од 12-години и 12-годишно момче од тоа семејство, заради финансиска корист.
„За да се склучи незаконскиот брак меѓу децата, членовите на семејството на момчето пристигнале во Подгорица и во станот на Б.М. била организирана прослава на која била дарувано оштетеното девојче, а му биле предадени и пари на К.М“, соопштија од полицијата.