Сомнеж за експлозив во близина на стадионот, блокирани улиците на Париз

Дел од Париз околу стадионот „Паркот на принцовите“ е блокиран поради сомнеж дека е поставена експлозивна направа, пишува германски „Билд“.

Како што пренесува овој медиум, меѓу тенискиот објект на „Ролан Гарос“ и „Паркот на принцовите“ била пронајдена торба со сомнителна содржина. Полицијата веднаш реагирала и ја опколила целата улица, но и околните места.

Граѓаните на Париз што живеат во овој дел од градот не може да си влезат во своите домови, а сообраќајот, вклучително и автобусот на Олимпијадата, е во прекин, пренесува медиумот.

Во 15 часот во арената се игра прелиминарното коло на фудбалскиот турнир меѓу Шпанија и Узбекистан.

Во вториот натпревар (21 ч) Израел на истиот стадион се среќава со Мали. Поради вмешаноста на Израел и поврзаната опасна ситуација, мерките на претпазливост веќе беа максимални. Надлежните се во состојба на готовност.

Деталите за точните аранжмани во Париз се чуваат во тајност, стои во написите.

Текстот Сомнеж за експлозив во близина на стадионот, блокирани улиците на Париз е превземен од МАКФАКС.