Србија: Притвор за жена која во контејнер го фрлила своето новородено внуче

пред 3 години

Судот во Белград денеска одреди мерка притвор во траење од 30 дена за Б.П. (51), која е осомничена дека бебето на нејзината 23-годишна ќерка го фрлила во контејнер.

Жената е обвинета за обид за тешко убиство врз нејзиното внуче, а претходно денеска била испрашувана во Вишото јавно обвинителство во Белград, кое води истрага против неа.

Имајќи предвид дека со кривичното дело е оштетено дете, малолетник, како и дека истрагата продолжува, обвинителството објави дека нема да даде други детали за овој случај.

Инаку, бебето беше пронајдено живо и е згрижено на Одделот за неонатологија во државниот Клинички центар.

Пред неколку денови брзата помош во болница ја донела 23-годишната ќерка која на лекарите им рекла дека се породила во стан во Обреновац и дека нејзината мајка го фрлила бебето во контејнер пред зградата.

Полициска патрола била веднаш испратена на местото на настанот и во контејнерот било пронајдено живо женско новороденче.

Share
Scroll to Top