Техеран бара од ОН да го осудат убиството на нуклеарниот научник

пред 3 години

Властите во Техеран побараа од Советот за безбедност на ОН да го осуди убиството на иранскиот нуклеарен научник, а потоа да преземе мерки против одговорните за злосторството.

Дипломати велат дека е малку веројатно дека ќе помине иранската иницијатива, пренесе Ројтерс.

Телото, составено од 15 членови на Советот за безбедност на ОН, би можело да дискутира за убиството на Мохсен Фахризадех, зад затворени врати, доколку членките се договорат со консензус.

Водечкиот ирански нуклеарен научник беше убиен во атентат во близина на Техеран. Иранската влада го опиша убиството како терористички чин. Западните разузнавачки агенции го сметаа Фахризадех за лидер на прикриената иранска нуклеарна програма.

Share
Scroll to Top