Трамп не беше поканет на погребот на Дик Чејни

Погребот на поранешниот потпретседател на САД, Дик Чејни, еден од главните архитекти на војната во Ирак, се одржа денес во Вашингтон во присуство на политичката елита, но без Доналд Трамп, кој не беше поканет поради непријателството меѓу двајцата републиканци.

Поранешни американски лидери, пратеници и други достоинственици се собраа во Националната катедрала во Вашингтон за да му оддадат почит на моќниот и контроверзен поранешен потпретседател. Тој беше гласен противник на Трамп.

Претседателот на САД, Доналд Трамп, и потпретседателот Џ.Д. Венс не беа поканети на погребот на поранешниот потпретседател Дик Чејни, според официјални лица од Белата куќа.

На погребот на Чејни присуствуваа поранешните претседатели Џо Бајден и Џорџ В. Буш, како и поранешната потпретседателка Камала Харис и Мајк Пенс, првиот потпретседател на Трамп.

Чејни, поранешен конгресмен од Вајоминг и како потпретседател движечка сила зад американската инвазија на Ирак во 2003 година, почина на 3 ноември на 84-годишна возраст.

Трамп не изрази сочувство до семејството на Чејни. Белата куќа претходно изјави дека е „свесна“ за смртта на Чејни. Знамињата во Белата куќа беа спуштени на половина копје.

„Моето сочувство до Дик Чејни и неговото семејство“, рече Венс на настан на Breitbart News во четврток. „Очигледно има некои политички несогласувања“, додаде тој.

Фото: ЕПА

Текстот Трамп не беше поканет на погребот на Дик Чејни е превземен од МАКФАКС.