пред 4 часа Американскиот претседател, Доналд Трамп, ги отфрли тврдењата дека САД планираат да му исплатат на Иран 300 милијарди долари според неодамна потпишаниот меморандум за разбирање.
„Нема никаква американска исплата од 300 милијарди долари за Иран. Тоа се лажни вести. За САД ова значи успех, пониски цени на нафтата и победа“, напиша Трамп на својата социјална мрежа „Тру соушал“.
Реакцијата следуваше по извештаи дека поширокиот договор меѓу САД и Иран би можел да вклучува фонд за обнова и инвестиции во вредност од 300 милијарди долари.
Американскиот потпретседател Џеј Ди Венс претходно изјави дека Иран би можел да има корист од голем инвестициски пакет доколку ги почитува условите од договорот, но нагласи дека средствата нема да доаѓаат директно од американските даночни обврзници, туку од партнерите од Персискиот Залив и приватни инвеститори.
Во посебна објава, Трамп порача дека САД остануваат посветени на мирот и повика на целосен прекин на огнот на сите фронтови на Блискиот Исток, вклучително и во Либан, како и меѓу Израел и Хезболах.
Текстот Трамп: Не е точно дека САД ќе му платат 300 милијарди долари на Иран е превземен од МАКФАКС.
Би можело да ве интересира
Турски брод помина низ Ормускиот теснец со дозвола од Иран
Нетанјаху: Нашата визија е Голем Израел
Преживеаниот пилот е виновен за тешката несреќа на пистата на аеродромот во Токио: „Не доби дозвола да полета!“
(Видео) Мечка влезе во куќа во Калифорнија но се исплаши од домашните кучиња
Американската војска околу Конгресот подигнува барикади високи два метри
Строгите мерки во Словенија остануваат на сила и следната недела
