Трамп по пресвртот: Иран е на работ на финансиски колапс, сакаат да го отворат Ормускиот теснец , СОС!!!

Американскиот претседател Доналд Трамп објави серија драматични пораки на својата платформа Truth Social, тврдејќи дека Иран се соочува со финансиски колапс поради американската поморска блокада. Според Трамп, Техеран очајно сака да го отвори Ормускиот теснец бидејќи губи 500 милиони долари дневно поради блокадата.

„Иран се урива финансиски! Тие сакаат Ормускиот теснец веднаш да се отвори – гладуваат за пари! Губат 500 милиони долари дневно. Војската и полицијата се жалат дека не им се плаќа. СОС!!!“, напиша Трамп.

pic.twitter.com/YbAjHUwdPF

— Rapid Response 47 (@RapidResponse47) April 22, 2026

„Тие сакаат да го спасат образот“
Во друга објава, Трамп тврдеше дека иранското раководство всушност не сака теснецот да е затворен, и покрај нивните закани, туку сака да биде отворен токму поради огромните приходи.

„Тие велат дека сакаат да биде затворен само затоа што јас целосно го БЛОКИРАВ, па затоа само сакаат да ‘го спасат образот’“, рече американскиот претседател.

Трамп, исто така, откри дека пред четири дена му се обратиле медијатори кои тврделе дека Иран сака веднаш да го отвори теснецот. „Но, ако го сториме тоа, никогаш не може да има договор со Иран освен ако не го дигнеме во воздух остатокот од нивната земја, вклучувајќи ги и нивните лидери!“, додаде Трамп.

Острите пораки доаѓаат само неколку часа откако Трамп објави продолжување на прекинот на огнот со Иран за да му даде на Техеран повеќе време за преговори. Сепак, тој нагласи дека блокадата на иранските пристаништа ќе продолжи сè додека Иран не презентира „унифициран предлог за прекин на конфликтот“.

Текстот Трамп по пресвртот: Иран е на работ на финансиски колапс, сакаат да го отворат Ормускиот теснец , СОС!!! е превземен од МАКФАКС.