пред 4 години Турскиот министер за надворешни работи, Мевлут Чавушоглу, објави дека неговата земја започнала разговори за купување на нова тура системи за ракетна одбрана С-400 произведени во Русија, пренесува „Дејли сабах“.
Чавушоглу додаде дека турската администрација, вклучително и Министерството за одбрана, во моментов разговараат за набавката, истовремено критикувајќи ја позицијата на САД во врска со договорот и посочувајќи дека на Анкара ѝ е потребен ракетен систем.
Тој рече дека ако САД сакаат Турција да купи оружје од нив, тие треба да го понудат по разумни цени и со подобри услови.
На крајот на минатиот месец, Чавушоглу му рекол на американскиот државен секретар, Антони Блинкен, дека купувањето на рускиот систем за противракетна одбрана од страна на Анкара е завршена работа.
„Во врска со С-400, уште еднаш ги потсетивме зошто Турција мораше да ги купи и повторивме дека ова е завршена работа“, изјави Чавушоглу од Брисел.
Би можело да ве интересира
ЕУ воведе ембарго за увоз на јаглен и вотка од Русија
Кремљ: Ерозијата на светскиот поредок ја започна НАТО со бомбардирањето на Белград
Докторите по прегледот на Бајден: „Тој е здрав, силен и подготвен за должност“
Во Велика Британија повеќе од 10.000 новозаразени со Ковид-19 во еден ден, причината „делта“ сојот, сметаат експертите
(Видео) Туристите во Бали ги казнуваат со склекови ако не носат заштитна маска
Тридневна жалост во Србија поради смртта на патријархот Иринеј
