пред 4 години Српски државјанин (55) е уапсен во Виена под сомнение дека извршил повеќе кривични дела, вклучително и измама.
Порано била распишана потерница за него поради сомневање дека лажно се претставил, односно дека имал дури девет лажни идентитети.
Припадници на полицијата од Одделот за странци во Виена го запреле Србинот кој им предал лажни бугарски документи. Според неофицијални информации, кај него биле пронајдени уште неколку лажни документи, а се сомнева дека има вкупно девет.
Србинот исто така е обвинет за отворање градежни компании под лажни имиња од 2014 година и на тој начин вработувал луѓе. Ниту една од тие компании никогаш не платила данок, а кога ќе дојдело до блокирање на сметките и присилна наплата, Србинот само ги напуштал компаниите, и никој никогаш не успеал да го најде сопственикот.
Тој е обвинет и за перење пари, а се верува дека го оштетил австрискиот буџет за околу 500.000 евра, а во моментов е во притвор.
