Украина очекува отворање на 10 хуманитарни коридори

Хуманитарен коридор за евакуации во Луганската област ќе биде отворен денеска, најави регионалниот гувернер Серхиј Гаидај.

„Договорен е хуманитарен коридор, денеска ќе се обидеме да ги евакуираме луѓето и да донесеме храна“, рече тој.

Додаде и дека за денеска е договорено затишје и дека ќе стапи на сила во 9 часот по локално време, пренесува „Ројтерс“.

Всушност, станува збор за еден од десетте хуманитарни коридори за евакуација на граѓаните, за кои Украина се надева дека ќе бидат отворени денеска.

$bp(“Brid_47680865”, {“id”:”26456″,”width”:”800″,”height”:”400″,”video”:”975559″,”autoplay”:0,”shared”:true});

Ова го најави вицепремиерката, Ирина Верешчук.

„Ројтерс“ пренесува дека Верешчук рекла и дека е договорен коридор за опколениот град Мариупол, иако претходните договори за прекин на огнот и отворање на коридори во голема мера пропаднале.