Украинската тајна служба за Русија: Погледнете ги нивните „модерни“ ракети

Украинската разузнавачка служба објави фотографии на својата страница, на кои тврди дека покажуваат руски крстосувачки ракети.

Тие наведуваат дека иако Русија може да се пофали со модерно оружје, ракетите биле опремени со електроника која била развиена во 1960-тите.

„Ракетите X-101 беа произведени од 1999 до 2013 година. Руските медиуми ги опишаа како гордост на најновото руско оружје со висока прецизност“, напишаа тие. „Резултатот од употребата на ракетата Х-101 од страна на окупаторите во Украина ги поби руските тврдења за ефикасноста на овие ракети. Базата на електронските компоненти се покажа многу далеку од модерната“, додаваат тие.

„Анализата на системите за наведување и навигација на ракетите X-55, како и нивните модификации X-555 и X-101, спроведени од украински експерти, покажаа дека модерните „единици за наведување биле развиени помеѓу 1960 и 1970 година“, велат тие.

„Најновите руски ракети користат систем за навигација развиен во 1977 година, кој беше масовно инсталиран на авионите Су-27 или МиГ-29 од советскиот период“, додаваат тие.

На крајот наведуваат дека повеќето од овие проектили не ги погодиле поставените цели.