Финскиот претседател: Украина поблиску од кога било до постигнување мировен договор

Финскиот претседател Александар Стуб изјави дека Украина е „поблиску од кога било“ до постигнување мировен договор, ја пренесоа медиумите неговата изјава. Како што изјави тој, иако одредени почетни услови од мировниот план се покажаа како неприфатливи за Киев, украинската страна сега се чини „доста самоуверена“ во преговорите.

Стуб додаде дека во сегашната дипломатска динамика, тој гледа можност процесот, кој долго време е во застој, конечно да се движи кон конкретни договори.

Медиумите потсетуваат дека високи функционери на американската администрација неодамна ѝ дадоа на Украина ограничен временски рок за да одговори на најновата верзија на мировниот план на Вашингтон. Според овие најави, САД се надеваат дека договорот би можел да биде склучен до Божиќ, доколку Киев ги прифати понудените услови.

Во написите е наведено дека според сегашните сигнали, дипломатската активност во врска со украинскиот конфликт влегува во чувствителна фаза, во која одлуките на Киев и Москва, како и ставовите на Вашингтон и европските партнери, ќе го одредат понатамошниот тек на настаните.

Фото: депозитфотос

Текстот Финскиот претседател: Украина поблиску од кога било до постигнување мировен договор е превземен од МАКФАКС.