(Фото+видео) Масовен украински напад со дронови врз Белгород: три лица загинаа, 13 се повредени

Масовен напад со украински дронови го погоди рускиот пограничен регион Белгород во текот на ноќта, при што загинаа три лица, а 13 беа повредени, соопштија локалните власти.

Според локалните извештаи и снимките објавени на социјалните мрежи, голем дел од дроновите биле насочени кон централното подрачје на Белгород. Како можна цел на нападот се споменува трговско-забавниот комплекс „МегаГРИНН“, најголемиот од таков вид во градот.

Комплексот се простира на повеќе од 163.000 квадратни метри и опфаќа над 200 продавници, супермаркет, кино и ресторани. Според објавените информации, во моментот на нападот бил затворен и немало посетители. Локалните жители пријавиле и пожар во дворот на станбен комплекс во истото подрачје.

A massive Ukrainian drone attack hit the Russian border city of Belgorod overnight.

A large swarm of drones struck the central MegaGRINN shopping mall, causing heavy fires and explosions. https://t.co/P1f5cyRP9c

— 🇺🇦 paolo (@paolobucci18) October 25, 2026

Оперативниот штаб на Белгородската област потврди „масовен напад со беспилотни летала“ и соопшти дека итните служби се испратени на погодените локации, без да прецизира кои објекти биле цел.

Гувернерот на областа, Александар Шуваев, изјави дека во нападот во Белгород загинале две лица, а 13 биле повредени. Според него, оштетени се 30 станбени згради, 35 автомобили, четири куќи, три административни згради, осум деловни простории и три објекти од јавен интерес. Уште едно лице загинало во село во близина на градот Шебекино.

На снимките објавени на социјалните мрежи се гледаат експлозии, пожари и дејствување на руската противвоздушна одбрана над Белгород. Локалните власти ги повикаа жителите да останат во затворени простории бидејќи нападите во регионот продолжиле.

👀 Belgorod. Consequences of the work of the air defense.

💥 AFU also hit MegaGRINN shopping mall https://t.co/8vuv7iTSze

— MAKS 26 🇺🇦👀 (@Maks_NAFO_FELLA) October 24, 2026

Белгород се наоѓа на околу 34 километри од украинската граница и на приближно 70 километри од Харков. Поради близината до фронтот, градот често е цел на украински напади. Во претходни напади биле погодени енергетска инфраструктура и логистички објекти.

Нападот се случил откако Украина соопшти дека системот „Старшилд“, воената верзија на сателитскиот интернет-систем „Старлинк“, повторно работи со полн капацитет. Според извештаите, системот од 14 октомври функционирал со значително намалена брзина, што ги отежнало одредени воени операции на украинските сили.

Текстот (Фото+видео) Масовен украински напад со дронови врз Белгород: три лица загинаа, 13 се повредени е превземен од МАКФАКС.