пред 3 часа Француските власти го зголемија нивото на тревога за птичји грип од средно на високо, барајќи од живинарските фарми низ целата земја да ја чуваат живината во затворен простор, предупредувајќи дека Европа се соочува со сезонска епидемија на болеста.
„Уредбата со која се наредува зголемување на нивото на тревога од средно на високо е издадена по докази за инфекција кај дивите птици преселници во Европа, вклучително и Франција, и потврдени епидемии на неколку живинарски фарми“, соопшти француското Министерство за земјоделство, според Ројтерс.
Во соопштението на француското Министерство за земјоделство, беше потврдено дека досега се откриени две епидемии на птичји грип на француските живинарски фарми и три кај домашните одгледувачи.
Првиот случај на птичји грип беше откриен кон средината на октомври на фарма за фазани и еребици на север од Франција.
Високо патогениот птичји грип е сезонска болест што ја шират птиците преселници, која често ги принудува одгледувачите низ целиот свет да уништат десетици милиони птици за размножување.
Фото: принтскрин
Текстот Франција прогласи високо ниво на тревога за птичји грип е превземен од МАКФАКС.
Би можело да ве интересира
Застрашувачки снимки од напад врз болница во Газа, меѓу загинатите има и новинари
Трамп: Не сум 100% сигурен дека не смеам да се кандидирам за трет мандат
Романскиот претседател: Русија продолжува да претставува најголема закана за безбедноста на Европа
(Видео) „Паѓа толку многу снег што луѓето излегуваат од дома преку прозорците“ – снежен хаос во Норвешка
Рускиот „Мекдоналдс“започнува со работа и се вика „Вкусно и точка“
Бајден поблиску до победата, Трамп бара пребројување во Висконсин
