Хамас: Во нападот на најголемиот бегалски камп во Газа загинаа најмалку 13 Палестинци, а 75 се ранети

Најмалку 13 Палестинци загинаа денеска, а 75 се ранети во израелски напад врз бегалскиот камп Џабалија во северниот дел на Газа, изјави портпаролот на Министерството за здравство под контрола на Хамас.

Израелската армија засега не објави ништо за овој напад, пренесува Ројтерс.

Зафаќа површина од 1,4 квадратни километри, Џабалија е најголемиот од осумте бегалски кампови во Газа и е дом на околу 116.000 регистрирани бегалци, од кои многу зависат од храна, лекови и друга помош испратена од САД и Обединетите нации за помош и работа.

Претходно, палестинското Министерство соопшти дека три куќи биле погодени, а најмалку 20 Палестинци загинале во израелските воздушни напади врз областа Рафа во јужниот дел на Газа.

Утринава жителите на Кан Јунис, град кој исто така се наоѓа на југот на Газа, пријавиле жестоки борби меѓу милитантите на Хамас и израелските сили, наведува британската агенција.

Израелски тенкови и авиони бомбардираа области во близина на центарот на градот, велат жителите.

Министерството за здравство во Газа денеска соопшти дека во војната меѓу Израел и палестинската милитантна група Хамас во Појасот Газа од 7 октомври досега загинале најмалку 19.667 Палестинци, а 52.586 се ранети.

Војната почна на 7 октомври, кога борците на Хамас го нападнаа јужниот дел на Израел, убивајќи 1.200 луѓе и зедоа околу 240 заложници, по што Израел започна голема воена операција во Појасот Газа, која се уште е во тек.

Текстот Хамас: Во нападот на најголемиот бегалски камп во Газа загинаа најмалку 13 Палестинци, а 75 се ранети е превземен од МАКФАКС.