Хрватски лекар вели дека вирусот силно влијае и врз мозокот

Академик Ивица Костовиќ (77), еден од водечките хрватски невролози и професор на Медицинскиот факултет во Загреб, во интервју за Вечерњи лист вели дека Ковид-19 влијае и на човечкиот мозок, но на научниците сè уште не им е јасно како коронавирусот се шири во мозокот.

Првите трудови ги објавија Кинезите, кои тврдат дека во 50 проценти од случаите откриле микро промени во церебралната циркулација и дека вирусот влијае и оштетува одредени делови од мозокот. Костовиќ истакнува дека ќе бидат потребни многу истражувања за да се утврди какви ефекти ќе има Ковид-19 врз мозокот.

„Ова не може да се открие набрзина“, вели академикот и предупредува дека 30 проценти од трудовите се повлечени од печат токму затоа што биле објавени набрзина. Тој е убеден дека Американците први ќе објават релевантни трудови за ова затоа што имаат 100 милиони заразени и врвни научници. Тој рече дека ковидот влијае и на менталното здравје и дека 50 проценти од американската популација има некаква форма на ментална болест како резултат на пандемијата.