Новак Ѓоковиќ е депортиран од Австралија. Во придружба на австралиската гранична полиција, тој денеска се качи на летот што требаше да поаѓа од Мелбурн за Дубаи во 12:30 часот и полета со мало задоцнување, јавуваат светските агенции.
Српскиот тенисер по 11 дена правна борба ја напушти Австралија, која ја загуби. Половина час пред летот на социјалните мрежи се појавија првите фотографии од Ѓоковиќ по судската одлука за депортација.
Novak Djokovic filmed at Melbourne Airport after losing his judicial review against the cancellation of his Australian visa. The tennis star has left the country on a flight to Dubai | https://t.co/hVG3N5WWJy pic.twitter.com/h1qkBepHkx
— RTÉ News (@rtenews) January 16, 2022
Снимен е на аеродромот во Мелбурн во друштво на Горан Иванишевиќ и други луѓе кои се грижат за неговата кариера. Ѓоковиќ, според медиумите во регионот од Австралија ќе лета за Дубаи, каде потоа ќе се префрли на лет за Белград а утре претпладне го очекуваат во Србија.
Во новинарските написи се потсетува дека австралискиот федерален суд денеска пресуди против Новак Ѓоковиќ во случајот против министерот Хок. Најдобриот светски тенисер пристигна во Австралија на првиот Грен слем сезонава со медицинско ослободување од вакцинација. Прво му беше одбиена визата, а потоа ја доби по жалбата на суд. Потоа, австралискиот министер за имиграција Алекс Хок му ја откажа визата и двете страни повторно завршија на суд.
Со денешната судска одлука, Ѓоковиќ ќе остане без настап на турнирот кој го освои рекордни девет пати. Тој ќе остане без шанса да го освои 21. Грен слем во кариерата и на тој начин да им побегне на Роџер Федерер и Рафаел Надал кои имаат и по 20 титули.