Ја убил помалата сестра пред очите на семејството, па повикал полиција во Бремен: тврди дека му била „извалкана честа“

Млад маж (24) од Бремен ја убил својата помлада сестра, соопшти германската полиција.

Според соопштението, младиот човек, чиј идентитет не се открива, по делото сам повикал полиција и признал што направил.

Тој рекол дека со нож ја избодел сестра си, а набрзо на местото пристигнале итните служби, но лекарите можеле само да констатираат смрт на девојчето.

Младиот човек веднаш се предал и не дал отпор при апсењето. На полицајците им рекол и дека ја убил сестра си затоа што му ја оцрнила честа.

Истрагата се уште е во тек, а младиот човек е во притвор.

Полицијата соопшти дека по завршувањето на истрагата ќе се знае како дошло до конфликтот меѓу братот и сестрата, пишува „RTL.de“.

„Се смета дека мотивот за злосторството е нерасчистениот семеен однос меѓу сестрата и братот. Тој наводно не бил задоволен од начинот на живеење на неговата сестра и мислел дека таа му ја оцрнува честа“, соопштено е.

Во моментот на злосторството во станот во кој живееле имало и други членови на семејството.

Текстот Ја убил помалата сестра пред очите на семејството, па повикал полиција во Бремен: тврди дека му била „извалкана честа“ е превземен од МАКФАКС.