Џонсон: Нема да се бориме против руските сили во Украина

Британскиот премиер Борис Џонсон за време на посетата на Естонија порача дека нема да се борат против руските сили во Украина.

„ Тоа не се ништо друго туку одбранбени мерки, кои се суштината на НАТО повеќе од 70 години. Сакам конечно да бидам кристално јасен по ова прашање, нема да се бориме против руските сили во Украина и нашите засилувања, како овие засилувања овде во Тапа, се цврсто во границите на членките на НАТО и тоа е сосема исправна работа“ рече Џонсон.

Суспензијата на Русија од Советот за безбедност на ОН е тешко да се спроведе

Британскиот премиер Борис Џонсон денеска изјави дека суспензијата на членството на Русија во Советот за безбедност на ОН е тешка задача, со оглед на спецификите на таа организација.

„ Навистина е тешко да се направат какви било промени во структурите на ОН без гласање. Русија има право на вето во Советот за безбедност. Не можеме да ги промениме правилата без согласност на Русија“, рече Џонсон на прес-конференција со генералниот секретар на НАТО Јенс Столтенберг и естонскиот премиер Каи Калас во Талин, пренесува Интерфакс.