пред 3 години Скот Ферлемб, кој беше снимен како удира полицаец за време на нападот на американскиот Капитол на почетокот на годината, доби затворска казна од 41 месец, јавија американските медиуми.
Во нивните анализи тие пишуваат дека ова е најстрогата казна досега изречена во речиси 700 случаи покренати откако приврзаниците на поранешниот претседател Доналд Трамп го нападнаа Капитол на 6-ти јануари годинава, не прифаќајќи го неговиот изборен пораз.
Американскиот окружен судија Ројс Ламберт ја наведе сериозноста на однесувањето на сопственикот на теретаната во Њу Џерси, Скот Ферлемб, како отежнувачка околност при изрекувањето на казната, пренесуваат агенциите.
Ферлемб е снимен како вреска по полицајците пред да турне еден од нив и да го удри со тупаница по лицето. Тој се изјасни за виновен во август.
„Да одевте на судење, мислам дека нема порота која би можела да ве ослободи“, му рече судијата на првиот бунтовник осуден за насилство врз полицијата за време на нападот.
Би можело да ве интересира
18-месечно бебе загина по гранатирање во Мариупол
Властите во Калифорнија предлагаат тинејџерите да се вакцинираат без согласност од родителите
Во „Пандора документи“ и името на љубовницaта на Путин и нејзиниот имот од 100 милиони долари
Задолжително неделно тестирање за невакцинираните, во Грција нови мерки против коронавирусот
Најмалку 950 заразени на фестивал во Холандија каде се влегуваше со ковид сертификати
Во ресторан во Загреб откриени респиратори украдени во Шведска
