Британија им испраќа нов ракетен систем на Украинците

Обединетото Кралство ќе и испорача нов противтенковски ракетен систем на Украина, што ќе помогне да се зголемат одбранбените капацитети на Украина, која, како што денеска изјави британскиот министер за одбрана Бен Валас, „се соочува со заканувачкото однесување на Русија“.

„Одлучивме да ја опремиме Украина со системи за лесно противтенковско одбранбено оружје“, рече Валас во парламентот, додавајќи дека го поканил својот руски колега Сергеј Шојгу да го посети Лондон во следните неколку недели за да разговара за кризата, пренесе Ројтерс.

– Не станува збор за стратешко оружје. Опремата што ќе и ја испорачаме на Украина не претставува закана за Русија, бидејќи е од одбранбен карактер – рече Валас.