(Видео) Градоначалник во Франција ги брани учениците од полицијата, беше погоден со солзавец

Бали Багајоко, градоначалникот на францускиот град Сен Дени во близина на Париз, вчера беше погоден со солзавец додека се обидуваше да ги смири тензиите меѓу полицијата за немирите и младите демонстранти. Багајоко се позиционираше меѓу двете страни за време на големиот марш во Париз, организиран поради лошите услови во училиштата.

Снимките од настанот го прикажуваат градоначалникот во кордон меѓу демонстрантите и полицијата, а потоа и во облак од солзавец што полицијата го испука кон него и толпата. Инцидентот се случи на денот кога повеќе од 266.000 луѓе протестираа низ цела Франција во поддршка на студентското движење. Според официјалните проценки, само во Париз имало околу 56.000 луѓе на улиците, пишуваат медиумите.

Багајоко, член на левичарската партија Непобедлива Франција (LFI), ја обвини полицијата за употреба на „тотално непропорционална“ сила по инцидентот.

„Бев сведок на тотално непропорционална употреба на сила против млади луѓе кои само бараат да бидат слушнати“, рече тој. „Го повикувам министерот за внатрешни работи: упатствата мора итно да се разгледаат пред да се случи трагедија.“

Тој објасни дека бил на протестот за да ги заштити младите и да се обиде да ја смири ситуацијата. „Денес, во центарот на протестот, бев таму каде што треба да биде еден градоначалник: со нашите млади, да ги заштитам и да ги смирам тензиите. И токму овие млади луѓе околу мене формираа човечки штит. Спонтано. Братски“, рече Багајоко.

Текстот (Видео) Градоначалник во Франција ги брани учениците од полицијата, беше погоден со солзавец е превземен од МАКФАКС.