пред 41 минута Претседателката на Народното собрание на Србија, Ана Брнабиќ, им се обрати на европските претставници, вклучувајќи ја и комесарката за проширување Марта Кос, и на сите партии во Европскиот парламент во врска со предизборното видео објавено од студентите на Факултетот за драмски уметности (ФДУ) во Белград. Таа ги покани да го погледнат видеото и да оценат дали промовира демократски вредности.
„Му се закануваат со силување“
Станува збор за видео наречено „Србија не го сакаше“, кое студентите го објавија на 19 септември. На црно-белата снимка, Александар Вучиќ е во центарот, проследен со пораки од граѓани во кои се наведува дека не го сакаат за претседател и дека не е добредојден. Ана Брнабиќ го нарече видеото „монструозно“ и остро реагираше. На видеото, меѓу другото, на Вучиќ му се заканува затвор, а во последниот кадар се прикажува сапун под затворски туш, што Брнабиќ го протолкува како закана за силување.
„Последниот кадар со сапунот во затворската ќелија е директна закана за секој со различни политички ставови, а во овој конкретен случај, Александар Вучиќ, дека ќе биде силуван и дека овој вид казна ќе се слави и промовира“, напиша Брнабиќ на социјалната мрежа Икс.
Таа ги повика граѓаните на Србија да го запомнат видеото, за кое тврди дека претставува невидена „омраза, болест и нечовечност“.
„Секој од нас мора да види и сите заедно мора да се сетиме дека човечко суштество се дехуманизира на овој начин, исто како што го дехуманизираат Вучиќ, и дека му се закануваат на таков болен и одвратен начин“, рече таа.
Таа го заврши својот пост со порака за поддршка на Вучиќ. „Засекогаш сум со Александар Вучиќ – пријател, борец кој го посвети својот живот на Србија. И знајте дека тој никогаш нема да биде сам и дека секогаш ќе ви се спротивставуваме, со обиколка на Србија, разговор со луѓе, со план и програма за иднината, со љубов наместо со вашата болна, одвратна омраза“, заклучи Брнабиќ.
Текстот (Видео) „Му се закануваат на Вучиќ со силување“: Брнабиќ ѝ пиша на ЕУ поради студентски предизборен спот е превземен од МАКФАКС.
Би можело да ве интересира
Зеленски: Им веруваме на САД, веруваме дека претседателот Доналд Трамп сака да ја заврши војната
Убиен е висок ирански воен функционер
Кај Тунис потона брод со 750 тони дизел
Кулеба: ЕУ веднаш да воведе барем дел од санкциите против Русија
Макрон на 3 декември во посета на Емирати, најавени повеќе договори
Путин до СЗО: Побрзајте со признавањето на вакцините, ни се закануваат нови соеви на коронавирус
