(Видео) НАСА лансираше нов телескоп за истражување на вселената: „Голем чекор напред“

Моќниот телескоп од новата генерација на НАСА полета во вселената од лансирна рампа на Флорида. Неговата мисија е да истражува темна енергија, црни дупки и други мистерии во вселената. Телескопот „Ненси Грејс Роман“ ќе снима огромни панорамски погледи на универзумот, а НАСА наведува дека неговото видно поле е дури 100 пати поголемо од она на телескопите „Хабл“ и „Џејмс Веб“, пишува Би-Би-Си.

Мисијата започнува со 100-дневно патување до дестинација оддалечена околу 1,6 милиони километри од Земјата. Од таа точка, телескопот ќе започне со мапирање на планети надвор од нашиот сончев систем, познати како егзопланети.

„Роман ќе го промени начинот на кој гледаме на вселената“, рече Ники Фокс, администратор во НАСА.

SpaceX just launched NASA’s newest flagship space telescope.

What makes Roman special:

• Its mirror came from hardware once built for U.S. intelligence
• Same mirror size as Hubble, but less than 1/4 the weight
• A huge 300MP infrared camera
• Each image covers at least… pic.twitter.com/UsqHn9lvN4

— DogeDesigner (@cb_doge) August 30, 2026

Успешно лансирање
Успешното лансирање се случи во недела наутро по локално време од Вселенскиот центар Кенеди во Флорида. Околу 30 минути по полетувањето, Роман се одвои од ракетата на компанијата Спејс Икс и сега патува кон својата орбита оддалечена околу 1,6 милиони километри.

Џеки Таунсенд, раководител на проектот за телескопот Роман, го опиша настанот како „величествен“ на прес-конференцијата по лансирањето. „Беше одличен лет. Нè однесе токму таму каде што сакавме да бидеме“, додаде таа.

Претседателот на САД, Доналд Трамп, се појави на прес-конференцијата на вселенската агенција за да им честита на научниците што работат на проектот. „Вие сте најдобри во универзумот, а ние сме најдобрата земја во светот. Продолжете така. Вие сте важен дел од тоа“, рече тој.

Потрагата по нови светови
Фокс истакна дека Роман ќе „открие десетици илјади, можеби дури и 100.000 нови егзопланети“, мислејќи на планетите надвор од нашиот Сончев систем.

„Зошто егзопланетите ни се толку важни? Бидејќи една од главните цели на НАСА е да одговори на прашањето: ‘Дали сме сами во вселената?’“, додаде таа.

Текстот (Видео) НАСА лансираше нов телескоп за истражување на вселената: „Голем чекор напред“ е превземен од МАКФАКС.