(Видео) Нови насилни судири во Тирана: над 150 повредени, најмалку 160 уапсени

Нови насилни судири меѓу полицијата и демонстрантите избија во петокот вечерта во Тирана, четврти ден по ред на протести во Албанија.

Полицијата употреби солзавец и водени топови за да ги растера демонстрантите, кои фрлаа камења и блокираа улици со запалени контејнери за отпад. Албанскиот премиер Еди Рама ги обвини неодредени странски сили дека стојат зад немирите и дека се обидуваат да го попречат патот на земјата кон членство во Европската Унија.

Според извештаите, судирите продолжиле до доцна во ноќта во неколку делови од главниот град. Новинар на Франс прес забележал маскирани групи кои кршеле излози, ограбувале продавници и се обидувале да влезат во владини објекти во центарот на Тирана.

ALBANIA: DESTROZARON EL MINSITERIO DE EDUCACIÓN

Durante las protestas estudiantiles, estudiantes irrumpieron en el edificio, en Tirana, y causaron graves daños en su interior. https://t.co/cpUk6IpsZG

— Mundo en Conflicto (@MundoEConflicto) October 16, 2026

Демонстрантите бараат оставка од Рама

Демонстрантите бараат оставка од премиерот Еди Рама, кој е на власт 13 години, а истовремено го изразуваат незадоволството од условите за студирање и висината на школарините на универзитетите.

Протестите се прошириле и во други албански градови, каде што, според локалните медиуми, засега има помалку насилство, но се организираат блокади на универзитети предводени од студенти.

Во Тирана, стотици демонстранти се собрале пред Министерството за образование, извикувајќи „Рама, поднеси оставка!“.

„Ние не сме криминалци. Едноставно сакаме подобар живот за нашите родители и за нас. Не сакаме да ја напуштиме Албанија“, изјавила 18-годишната средношколка Ледија за Франс прес.

Таа додала дека рамнодушноста и ароганцијата на владата од почетокот на протестното движење се неподносливи и придонеле за дополнително влошување на ситуацијата.

#ALERTA | Graves incidentes en Tirana, la capital de Albania durante las manifestaciones estudiantiles que piden la salida del gobierno. https://t.co/IoXmVV4fVx

— Mundo en Conflicto (@MundoEConflicto) October 16, 2026

Спорен проект поврзан со семејството на Трамп

Антивладините протести во Албанија траат повеќе од четири месеци и редовно привлекуваат илјадници луѓе. Еден од факторите што го поттикнаа незадоволството е проектот за изградба на луксузен хотел поврзан со Иванка Трамп, ќерката на американскиот претседател Доналд Трамп, и нејзиниот сопруг Џаред Кушнер.

Проектот стана симбол на обвинувањата за корупција и економска нееднаквост во земјата. Од вторникот, во Тирана секојдневно избиваат насилни судири меѓу полицијата и демонстрантите, кои се обиделе да упаднат во неколку владини објекти.

Над 150 повредени, најмалку 160 приведени

Албанскиот министер за внатрешни работи Ервин Дема соопшти дека во изминатите денови биле повредени 156 лица, меѓу кои 97 полицајци.

„Имаме многу повеќе причини да се обединиме и да работиме за доброто на нашата земја отколку да се судираме. Ова е прикриен обид на оние што сакаат да ја преземат власта со насилство“, изјавил Дема во петокот.

Тој претходно соопштил дека двајца полицајци биле суспендирани поради прекумерна употреба на сила. Според последните податоци објавени во четвртокот вечерта, најмалку 160 лица биле уапсени.

Protests in Albania have turned violent, with demonstrators clashing with police in Tirana. Students have rallied for four consecutive days, demanding the prime minister’s resignation.

Al Jazeera’s Imogen Kimber reports. https://t.co/YrCdH1aQoc

— Al Jazeera English (@AJEnglish) October 16, 2026

Рама обвинува странски сили за поттикнување на немирите

Премиерот Еди Рама ги отфрли тврдењата дека протестите се резултат на реалните проблеми и незадоволството на граѓаните, оценувајќи дека зад нив стојат политички мотиви.

„Ова нема апсолутно никаква врска со тешкотиите, проблемите или легитимните стремежи на кој било што сака подобар живот“, изјавил Рама.

Тој, без да ги именува, обвини странски сили дека ги поттикнуваат немирите и се обидуваат да го попречат барањето на Албанија за членство во Европската Унија.

„Тоа се странски раце што не сакаат Албанија да биде во мир“, изјавил Рама во видеопорака објавена на неговата страница на Фејсбук.

Европската Унија изрази загриженост поради насилството и повика на истрага за наводите за прекумерна употреба на сила од страна на полицијата.

Албанија се стреми да стане членка на ЕУ до 2030 година.

Текстот (Видео) Нови насилни судири во Тирана: над 150 повредени, најмалку 160 уапсени е превземен од МАКФАКС.