пред 3 години Стотици луѓе протестираа во Луксембург против ковид мерките што се спроведуваат во Големото Војводство, при што голем број на распоредени полицајци употребија водени топови и уапсија десетина учесници, јавија агенциите.
„Не за законите кои ја убиваат слободата“, „Не за обврската за вакцинирање“, пишуваше на транспарентите на демонстрантите кои извикуваа „Слобода, слобода, слобода“.
Протестот го надлетуваа хеликоптери и беспилотни летала а беше обезбеден од голем број полицајци кои добија засилување од соседна Белгија, по насилството на сличен митинг во саботата на 4-ти декември.
Демонстрантите потоа упаднаа на божиќниот пазар и фрлаа јајца кон резиденцијата на премиерот Ксавиер Бетел, барајќи негова оставка.
Овој пат, полицијата употреби водени топови за да ја потисне група демонстранти кои сакаа да ја пробијат оградата што го блокираше пристапот до центарот на градот фрлајќи петарди и димни бомби. Десетина лица се уапсени, соопшти полицијата.
„Владата врши притисок врз жителите уценувајќи ги во социјалниот и деловен живот“, изјави демонстрант за Франс прес.
Неодамна во Луксембург беа заострени рестриктивните ковид мерки.
Бројот на пациенти на интензивна нега и заразени со коронавирус е зголемен во последните две недели, каде што се вакцинирани 78 отсто од населението на возраст над 12 години.
Би можело да ве интересира
Борел: Западен Балкан и процесот за пристапување е важен за ЕУ
Урсула фон дер Лајен: Дополнителни чекори против Русија доколку ситуацијата се влоши
Целосен колапс на воздушниот сообраќај во светот – откажани над 4.500 летови
Во духот на пријателството, Франција испраќа нова Статуа на слободата во САД
Од 12 февруари Полска ги отвора хотелите, кината и театрите
Бајден ги објави имињата на луѓето кои ќе се борат против коронавирусот во САД
