(Видео) Руски авион навлегол во финскиот воздушен простор?

Финското Министерство за одбрана пријави сомневања дека руски авион вчера го нарушил финскиот воздушен простор над западниот Фински Залив. Покрената е истрага за инцидентот, кој се случил во време на зголемена руска воздушна активност во близина на источната граница на НАТО, објавува „Киев Индепендент“.

Истрагата е во тек
Министерот за одбрана Анти Хакканен потврди дека истрагата за инцидентот над Балтичкото Море веќе е започната. Ја води Финската гранична стража, која најави дека ќе објави повеќе детали откако ќе собере дополнителни информации. Видот на авионот, времетраењето на наводниот упад и неговата траекторија сè уште не се познати.

NEW: Romania scrambled F-16 fighter jets to destroy a naval drone (USV) detected a few hundred meters from the Neptun Deep gas project in the Black Sea.

Authorities said the drone was destroyed to protect hundreds of workers and secure critical energy infrastructure.

Its origin… pic.twitter.com/KCK0i90J9n

— OSINT News (@OSINTNewsqrb) August 20, 2026

Инцидентот се случува во време на зголемен број руски воени летови во близина на источната граница на НАТО. Членките на Алијансата ги сметаат ваквите летови за „провокации“ и тест за подготвеност на воздушната одбрана. Сличен инцидент беше регистриран во Финска на 27 мај, кога руски воен авион, наводно за да избегне грмотевици, влегол во воздушниот простор во близина на Поркала. Финските воздухопловни сили потоа веднаш го подигнале својот авион, што е стандардна процедура во вакви ситуации.

Активност на беспилотни летала на Источното крило
Најновиот инцидент над Финскиот Залив се совпаѓа со серија инциденти со беспилотни летала долж источното крило на НАТО. Истиот ден, 20 август, Романија ги подигна ловците Ф-16 поради поморски дрон што носеше експлозиви, кој се појави во близина на гасниот проект Neptun Deep во Црното Море.

Романскиот претседател Никушор Дан ја обвини Русија за тој инцидент и го нарече чин на хибридна војна. Неколку дена претходно, на 16 август, борбен авион на НАТО собори дрон во романскиот воздушен простор откако леташе од правец на Молдавија.

Текстот (Видео) Руски авион навлегол во финскиот воздушен простор? е превземен од МАКФАКС.