(Видео) Свлечишта затрупаа луѓе додека спиеле во бегалски кампови во Бангладеш

Најмалку девет лица, меѓу кои осум бегалци Рохинџи, загинаа во свлечишта предизвикани од силните монсунски дождови во југоисточен Бангладеш.

Свлечиштата се случиле на четири локации во бегалските кампови во Кокс Базар во текот на ноќта и затрупале засолништа додека луѓето спиеле.

Disaster Zone: Deadly Landslide and Flood Hit Bangladesh! pic.twitter.com/0EJUMx5Jrw

— Disaster Zone (@Disaster_X_) July 6, 2026

Спасувачките екипи пронашле седум тела, додека едно го пронашле самите бегалци. Полицијата соопшти дека загинал и еден државјанин на Бангладеш, откако рид се урнал врз неговата куќа.

Бегалецот Али Ахмед изјави дека неговите родители и помладиот брат загинале додека спиеле.

At least nine people, including eight Rohingya refugees, were killed and others injured due to landslides caused by heavy rains in three camps in Bangladesh, local media reported today. pic.twitter.com/M6r6z42UjA

— Al Jazeera English (@AJEnglish) July 6, 2026

„Од Мјанмар избегавме во 2017 година за да се спасиме од прогон. Сега и овде останав без семејството, не знам што ме чека“, изјави тој.

Во пренатрупаните кампови во Кокс Базар живеат повеќе од еден милион Рохинџи. Голем дел од засолништата се изградени од бамбус и пластични церади на стрмни падини, поради што се особено изложени на свлечишта и поплави за време на монсунските дождови.

Heavy rainfall has triggered landslides+flooding across the #Rohingya refugee camps in Cox’s Bazar, causing loss of life & injuries. Our thoughts are w/ affected families. UNHCR+partners+refugee volunteers are assessing impacts & supporting emergency response. Refugees+partner pic.twitter.com/0l7XAAuZxC

— UNHCR in Bangladesh (@UNHCR_BGD) July 6, 2026

Властите веќе преселиле околу 1.000 бегалци од ризичните подрачја, а за следните денови се најавуваат нови обилни врнежи.

Фото: УНХЦР

Текстот (Видео) Свлечишта затрупаа луѓе додека спиеле во бегалски кампови во Бангладеш е превземен од МАКФАКС.